عادي .. طاح الحطب .. وانت الحطب !!
المشهد الأول
وحدة مزيونة بالحيل........و حبيبة ...
بس تخون !!!!
وش اسوي بجمالها ؟؟
بياخذها الزمان و تبقى عجوز ...عادي ... طاح الحطب ... وحلوة الحياة
المشهد الثاني
ملتزم ...
يصلي كل الفروض ...
و إذا تعب ... فوت صلاة الفجر
وإذا شبع راحت صلاة العصر ...
وعنده دش ... و يكذب كثير
وإذا صحى الصبح ... مشط اللحية عادي ... طاح الحطب ... وحلوة الحياة
المشهد الثالث
غني وظالم ..
يطرد المساكين ... ويستغل الضعف
مغرور و فاسق ...
و مجلسه عامر ...
كلن يبهر له ...
ومع ذلك يجمع حسنات ... من كثر اللي يسبونه عادي .. طاح الحطب .. و حلوة الحياة
المشهد الرابع
يكد ويدرس و يشتغل ...
لأجل يبني مستقبله ...
تزوج و جاب عيال ... ثم تقاعد
صار يسكن في مكان ... وأم عياله في مكان
والسبب العيال ...
صار دار المسنين بيتهم ... عادي ... طاح الحطب ... و حلوة الحياة
المشهد الخامس
تغازل و تاخذ أرقام ...
وتطلع مع هذا ... وتواعد هذاك ..
ويوم طاح الفاس في الراس ...
بكت ...
وراحت تشكي لأمها غدر الزمان ...
طبطبت عليها أمها وقالت :
ولا يهمك ... سفرة لدولة عربية ... وشوية سيولة
وترجعين بنت ... عادي ... طاح الحطب ... وحلوة الحياة
المشهد السادس
مرفوع الكفن أبيض ...
وصاحبه وسط البياض ...
بعضهم يبكي ... و بعضهم عادي
دفنوه ... وتبكبكوا شوي
وآخر الليل سكارى ... عادي ... طاح الحطب ... و حلوة الحياة
المشهد السابع
سيارة مسرعة ...
وتدعس لها واحد ...
مسكين هندي ...
والعسكري صديق الطايش ...
والخطا نصه على الهندي ...
والباقي على أبو الطايش ...
وفي الليل ..... الطايش يلعب بلوت عادي ... طاح الحطب ... و حلوة الحياة
المشهد الثامن
قارورة مويه ...
ما تضره .......طايحة في السيارة
يناظرها بغضب ... زعلان منها
ويفتح الشباك ... و يرميها وسط الطريق
وإذا اجتمع مع الشباب قال:
متى بنتحضر؟؟؟؟؟؟ عادي ... طاح الحطب ... و حلوة الحياة
المشهد التاسع
أهم شي الثوب نظيف ... والغتره مكويه ...
والقلم ماركة ... والساعة تضوي ...
والجزمة جلد ... والسيارة عجب ...
وتلفونه ما يسكت ...
إما بنات ...
أو البنوك تبي فلوسها ... عادي ... طاح الحطب ... و حلوة الحياة
المشهد العاشر
سطحية ... ومغرورة
غبية ... ومتكبرة ... وياريتها حلوة
تبي زوج مواصفات ...
ما يقول لا ... ويكره الاستراحات
لازم وسيم ... وأنيق ... ومتعلم ... و دخله ممتاز
ويحب السفر ...
و بعد سنين ... تلاقي نفسها في الإنترنت
تدور واحد يقبل بها ...عادي ... طاح الحطب ... وحلوة الحياة
المشهد الحادي عشر
فتح الكمبيوتر ...
ودخل للمنتدى ... وكلامه ما يتعدى إن الموضوع روعة ورهيب
وهو ما قراه و لا يعرف كاتبه ...
بس يبي يزيد رصيد مشاركاته ...
ويزيد همومنا هم ...
علشان يصير صاحب الألف موضوع ...
و يتميز ...
والمشكلة إنه يتميز ... عادي ... طاح الحطب ... وحلوة الحياة
المشهد الأخير
الكذب إثم ... ومع ذلك نستخدمه
وندري إن هذا حرام ... و مع ذلك نجربه
نتذكر السهرة والفرح والسفر ...
وننسى الجالسين على كتوفنا ...
ونتناسى إن معهم كتاب يسجل أفعالنا ونياتنا ...
كل شي محسوب ...
حتى النظر ...
نسينا إن ورانا يوم ... علاماته قربت
ومع ذلك كلنا ناسين ...
إن بقيت على حالك تتناسى ...
لازم تعرف
إن ذاك اليوم ماهو عادي وإنت الحطب
وما به حياة ..
م.ن
اهلا بك فى منتديات جرح بو ظبى للاشتراك معنا الرجاء اضغط هنــا
الإهداءات
« آخـــر الــمــواضــيــع »
15-Sep-2008, 09:47 PM
عــ،ــ،ـــادي طــ،ــاح الحطـ،ــ،ــب .. والحياه حلـ،ــوه
